Sorğu
Müştəri zəng edir
Menecer sorğunu qeyd edir. Sistem marşrut, yük növü və tarifə görə qiyməti hesablayır, təklif bir kliklə PDF formatında göndərilir.
Bu gün: qiymət şifahi deyilir, sonra mübahisəyə çevrilir.
Logistika ERP · TMS · Yük daşıma proqramı
ATLAS BIP Logistics ERP — Logistika şirkətinin idarəetmə mərkəzi
Sifariş WhatsApp-da, plan Excel-də, sənəd sürücünün çantasında, pul isə bankda gözləyir. ATLAS BIP Logistics ERP bunların hamısını vahid idarəetmə mərkəzinə yığır. Müştərinin ilk zəngindən pulun hesabınıza düşdüyü ana qədər hər addım görünür, qeydə alınır və özü növbəti adama ötürülür.
Reyslər · bu gün Canlı
- RQ-000418 Bakı → Tbilisi yolda
- RQ-000419 Sumqayıt → Aktau bərədə
- RQ-000421 Gəncə → İstanbul sərhəd 3s 40d
- RQ-000422 Ələt → Almatı yüklənir
- RQ-000424 Bakı → Şəki gecikir 2s
- RQ-000425 Bakı → Naxçıvan çatdırıldı
Sahil Transport Real daşıyıcı ilə qurulur
Real avtoparkın datasından böyüyüb
Atlas BIP 180-ə yaxın maşını olan Bakı yük daşıma şirkəti Sahil Transport üçün avtopark data platformasını qurub. İş ATLAS BIP Logistics ERP ilə davam edir: sifarişdən ödənişə, dispetçerlik, sürücü tətbiqi, CMR və aktlar, e-qaimə, 1C və bank tutuşdurması.
Sahil Transport layihəsinə baxın- Yanacaq və CAN çəki sensorları ilə Wialon GPS
- Müştəri gözləməsi və əməliyyat dayanacaqları avtomatik ayrılır
- Gözləmə haqqı müqavilə şərtlərinə görə hesablanır
- Sürücü qaimələrinin fotoları AI ilə oxunur, əməkdaş yoxlayır
KM 0 Bu gün necədir
Şirkət bu gün yaddaşla idarə olunur
Komandanızda heç kim işini pis görmür. Sadəcə iş həcmi Excel-in, WhatsApp-ın və dispetçerin yaddaşının həddini çoxdan keçib. Demək olar ki, hər logistika şirkətində mənzərə eynidir.
Bir reys beş alətə dağılır
- WhatsApp sifariş, səsli mesaj
- Excel plan, təyinat
- Telefon zəngləri «indi haradasan?»
- Kağız CMR, akt, qeydlər
- 1C pul, mühasibat
-
Məlumat üç yerə səpələnib
Sifariş dispetçerin dəftərində, qiymət satış menecerinin telefonunda, qaimə mühasibin Excel faylındadır. Üçündə də rəqəm fərqlidir.
«Mən 2 800 demişdim.» «Yox, 3 200.» Yazılı iz yoxdur.
-
Təyinat yaddaşa əsaslanır
Vəsiqənin, sığortanın, texniki baxışın və vizanın bitmə tarixi dispetçerin başındadır.
Buraxılan yoxlama sərhəddə üzə çıxır — orada düzəltmək olmur.
-
Sübut telefonla birlikdə itir
Zədə fotoları WhatsApp yazışmalarında itib-batır, telefon dəyişəndə isə tamam yox olur.
Pretenziya aylar sonra gələndə göstərməyə heç nə olmur.
-
Pul gec qayıdır
Kağız təhvil sənədi ofisə həftələrlə gəlir. Akt onu gözləyir, qaimə aktı, pul isə hamısını.
Dövriyyə kapitalının bir hissəsi həmişə yolda ilişib qalır.
-
Gözləmə haqqı hesablanmır
Müqavilədə gözləmə haqqı var, amma saatları sayan yoxdur.
Qeydə alınmayanın pulu heç vaxt tələb olunmur.
-
Rəhbər qaranlıqda qərar verir
Hansı müştərinin, marşrutun və ya maşının qazanc gətirdiyi ay bağlanandan sonra da bəlli olmur.
Zərərli iş «normal iş» kimi davam edir.
Riskin qiyməti
-
22 km/saat
Azərbaycanda yük maşınının gecikmələrlə birlikdə orta sürəti. Gecikməsiz — 50.
CAREC CPMM, 2023
-
100 000 € karnet başına
Bağlanmamış bir TIR karnetinə görə zəmanət tələbinin tavanı. Gürcüstanda — 50 000 $.
IRU, TIR zəmanəti
-
7 gün
Gizli zədə barədə bildiriş müddəti (bazar və bayram günləri istisna), gecikmə üçün 21 gün. Sübut vaxtında yığılmasa, mübahisə uduzulur.
CMR Konvensiyası, maddə 30
-
0 gün möhlət
Vergi yoxlaması başlayandan sonra gətirilən sənəd nəzərə alınmır. Sənəd iş görüləndə hazır olmalıdır.
Vergi Məcəlləsi, 58.17
Mənbələr: CAREC CPMM 2023, IRU, CMR Konvensiyası, Azərbaycan Respublikasının Vergi Məcəlləsi.
KM 60 Səhər, 09:00
Kofeniz soyumamış hər şeyi bilirsiniz
Kompüteri açanda sistem artıq hazırdır: hansı reys gecikir, hansı maşının sığortası bu həftə bitir, kimin borcu kredit limitini keçib, bu gün hesaba nə qədər pul düşməlidir. Hesabat gözləmirsiniz — rəqəm hadisə baş verən an yenilənir.
atlas bip logistics erp · idarəetmə mərkəzi
ATLAS BIP İdarəetmə mərkəziSorğularSifarişlərPlanlaşdırmaReyslərXəritəAvtoparkSənədlərPulHesabatlar
Yolda 28 +3
Bu gün yükləmə 11
Gecikir 3 bax
Bu gün gözlənilən ödəniş 18 400 ₼
Canlı reyslər 28 reys
| RQ-000418 | Bakı → Tbilisi | 10-AB-123 | yolda |
| RQ-000419 | Sumqayıt → Aktau | 90-KT-417 | bərədə |
| RQ-000421 | Gəncə → İstanbul | 77-JR-650 | sərhəd 3s 40d |
| RQ-000422 | Ələt → Almatı | 99-TL-208 | yüklənir |
| RQ-000424 | Bakı → Şəki | 10-FA-731 | gecikir 2s |
| RQ-000425 | Bakı → Naxçıvan | 90-NB-115 | çatdırıldı |
Xəritə canlı
- RQ-000424 plandan 2 saat geridədir, müştəriyə hələ zəng edilməyib
- 10-AB-123: icbari sığorta 3 gün sonra bitir
- «Demo Aqro» kredit limitinin 96%-ni işlədib
Bu ay: gəlir və marja həftələr üzrə
Təsdiqinizi gözləyir 4
- Təchizatçı fakturası, «Demo Təkər», 6 240 ₼
- Müqavilə əlavəsi, yeni qiymət: Bakı → Tbilisi
- Sərhəddə 6 saatı keçən gözləmə, RQ-000421
Ekranlardakı adlar və rəqəmlər nümunə kimi verilib.
-
Əvvəlcə istisnalar
Ekran diqqət tələb edənlə açılır: gecikən reyslər, bitən sənədlər, kredit limitləri, təsdiqlər.
-
Rəqəm köhnəlmir
Hər göstərici dünən axşam çıxarılmış fayldan yox, canlı əməliyyatdan hesablanır.
-
Mənbəyə bir klik
İstənilən rəqəm arxasındakı reysləri, sənədləri və ödənişləri açır.
KM 140 Bir yükün yolu
Zəngdən pula qədər 12 dayanacaq
Yükün yolu dəyişmir. Dəyişən odur ki, hər addım bir dəfə yazılır və özü növbəti adama keçir. Aşağı sürüşdürdükcə maşın da yol gedir.
-
-
Müqavilə
Şərtlər yazılı qalır
Qəbul olunan təklif şablon əsasında müqaviləyə çevrilir. Ödəniş müddəti, pulsuz gözləmə saatı və cərimələr rəqəm kimi saxlanılır və sonra özü tətbiq olunur.
Bu gün: şərtlər heç kimin açmadığı qovluqda qalır.
-
Sifariş
Nömrə, qiymət, yoxlama
Sifariş nömrə alır. Kredit limiti, bloklanmış müştəri və yük uyğunluğu yoxlanır. Bir neçə yükləmə-boşaltma nöqtəsi, çəki, təhlükəli yük və temperatur bir yerdədir.
Bu gün: dəftər, WhatsApp, yaddaş.
-
Planlaşdırma
Doğru maşın, doğru sürücü
Dispetçer panelində boş maşınlar və sürücülər görünür. Vəsiqə, sığorta, texniki baxış, viza və tutum yoxlanır; uyğun olmayan qırmızı ilə işarələnir və səbəbi göstərilir.
Bu gün: zənglər və «yadımdadır».
-
Tapşırıq
Sürücünün telefonuna düşür
Ünvanlar, yük və vaxt pəncərəsi sürücünün telefonundadır. «Qəbul edirəm» düyməsinə basıldığı an qeydə alınır.
Bu gün: «eşitdim», sonra «mənə deməmisiniz».
-
Sənədlər
Paket tamdır, maşın yola çıxır
CMR xanalarının çoxu özü dolur. TIR karneti, icazə blankı və yük sənədləri reysə bağlanır. Paket yaşıl olmadan maşın yola çıxmır.
Bu gün: hər sənəd sıfırdan, əl ilə.
-
Yükləmə
Gözləmə özü sayılır
Sürücü «çatdım» və «yükləndi» basır, çəkini yazır, foto çəkir. Arada keçən vaxt özü gözləmə saatı kimi hesablanır.
Bu gün: saatları sayan yoxdur.
-
Yol
Müştəridən əvvəl bilirsiniz
Maşın xəritədə canlı görünür. Gecikmə həddi keçəndə dispetçer ilk xəbər tutur.
Bu gün: «haradasan?» zəngi.
-
Sərhəd
Hər saat qeyddədir
Giriş və çıxış vaxtı, möhür fotosu reysdə qalır. Uzun gözləmə hadisə kimi açılır və aktda ayrıca sətir olur.
Bu gün: sonradan «təxminən iki gün».
-
Təhvil
İmza telefonda, sübut sistemdə
Alıcı sürücünün telefonunda imzalayır; foto və qeyd-şərt həmin an sənədə bağlanır. İnternet yoxdursa, siqnal qayıdanda özü göndərilir.
Bu gün: kağız ofisə həftələrlə gəlir.
-
Akt və e-qaimə
Bir düymə, iki sənəd
Reys bağlananda akt özü yığılır: razılaşdırılmış qiymət, gözləmə, əlavə nöqtə. E-qaimə aktdan yaranır və vergi sisteminə gedir.
Bu gün: eyni məlumat iki dəfə əl ilə yazılır.
-
Pul
Ödəniş öz qaiməsini tapır
Bank çıxarışı yüklənir, ödəniş öz qaiməsinə bağlanır, debitor borcu azalır. Reysin nə qazandırdığı rəqəmlə görünür.
Bu gün: ödəniş gözlə axtarılır, mənfəət ay sonu təxmin edilir.
KM 260 Müştəri və satış
Satışın da yaddaşı olur
Hər zəng, hər təklif, hər itirilmiş iş sistemdə qalır. Menecer işdən gedəndə müştəri onunla getmir. Qiymət isə hər dəfə eyni qayda ilə, izah edilə bilən şəkildə hesablanır.
atlas bip · qiymət təklifi
QT-2026-000093 · «Demo Tekstil» qaralama
- Marşrut
- Bakı → Tbilisi → Trabzon
- Yük
- Tekstil, 18 t, 33 palet
- Maşın növü
- Tent, 90 m³
- Əsas daşıma haqqı
- 4 250,00 ₼
- Yanacaq əlavəsi, 12%
- 510,00 ₼
- Sərhəd keçidi, 2 dəfə
- 190,00 ₼
- Gözləmə: ilk 24 saat pulsuz
- 0,00 ₼
- Cəmi, ƏDV 0%, beynəlxalq
- 4 950,00 ₼
- Marja
- 21%, həddən yuxarı
PDF-i göndər Sifarişə çevir qüvvədədir: 5 gün
Satış hunisi · bu rüb
- Yeni sorğu 42
- Təklif göndərilib 27
- Danışıqda 11
- Qazanıldı 8
İtirilən hər iş səbəbi ilə yazılır. Aylar sonra belə bir cümlə oxuyursunuz: «Gəncə → Almaniya istiqamətində 4 sorğu qiymətə görə itirilib.»
-
Potensial müştərilər lövhəsi
Kartı sürüşdürürsünüz, mərhələ dəyişir. Zəng, görüş, e-poçt tarixçədə qalır; «sabah qiymət göndər» yazsanız, sistem vaxtında xatırladır.
-
Qiymət tarifdən gəlir
Marşrut, maşın və yük növünə görə. Gözləmə, sərhəd, bərə və təhlükəli yük əlavələri kataloqdadır; yanacaq əlavəsi dizel qiymətinə bağlıdır.
-
Müqavilə şablondan yaranır
Hüquqşünas mətni bir dəfə yazır, dəyişənlər özü dolur. Bitməsinə 60 gün qalanda xəbərdarlıq gəlir, həcm öhdəliyi izlənir: «50 reysdən 47-si».
-
Müştərinin bütün hekayəsi
Müqavilələr, açıq sifarişlər, yoldakı reyslər, borc, gəlir və son danışıq bir ekranda, yuxarıda isə risk zolağı.
-
Kredit limiti canlı yoxlanılır
Limiti keçən müştərinin yeni sifarişi rəhbərin təsdiqinə qalxır. Rəqəm dünənki cədvəldən yox, həmin an hesablanır.
-
Müştəri kabineti
Müştəri yükünü xəritədə izləyir, CMR və aktı özü endirir, yeni sorğu göndərir. Qiymət strukturunuz və maya dəyəriniz ona görünmür.
KM 380 Dispetçerlik
Dispetçerin ikinci beyni
Sistem qərarı dispetçerin əvəzinə vermir. Dispetçerin unuda biləcəyi hər şeyi xatırlayır və səhv təyinatı səbəbini göstərərək dayandırır.
Hər yola çıxışdan əvvəl 8 yoxlama
-
Tutum
Çəki, həcm və ölçülər maşına və qoşquya uyğundur.
-
Vəsiqə
Uyğun kateqoriyada qüvvədə olan vəsiqə.
-
Texniki baxış
Texniki baxış bütün reys boyu qüvvədədir.
-
Sığorta · 3 gün
Sığorta və Yaşıl Kart marşrutdakı hər ölkəni əhatə edir.
-
Viza
Viza və icazəli günlər sürücü evə qayıdana qədər çatır.
-
Təhlükəli yük
Sürücünün ADR şəhadətnaməsi və maşının ADR icazəsi yükün təhlükə sinfinə uyğundur.
-
Sürücülük vaxtı
Taxoqraf üzrə sürücülük və istirahət vaxtı bu marşruta çatır.
-
İcazə blankı
İstiqamət üçün icazə blankı rezerv olunub.
Planlaşdırılmayıb · 5
SF-000712 Sumqayıt → Gəncə · 12 t
SF-000714 Bakı → Batumi · 20 t · soyuducu
SF-000715 Ələt → Aktau · 22 t
Boş maşınlar · 7
10-AB-990 · tent Bakı · E. Məmmədov
90-KT-301 · soyuducu Sumqayıt · R. Həsənov
77-JR-118 · tent texniki baxış bitib
Yolda · 28
RQ-000418 Tbilisi · 14:20 çatır
RQ-000421 sərhəddə 3 s 40 dəq
RQ-000424 2 saat gecikir
Sifarişi maşının üstünə sürüşdürürsünüz. Bir anda reys yaranır, sürücüyə tapşırıq gedir, icazə blankı rezerv olunur, maşın «məşğul» olur.
-
Sərt və yumşaq bloklar
Vəsiqəsi bitmiş sürücü seçilmir. Viza günləri azdırsa, səbəb yazılaraq istisna edilir — kimin və niyə etdiyi qeydə alınır.
-
Geri yük
Boşaltma nöqtəsinin yaxınlığında gözləyən sifarişlər təklif olunur. Maşın boş qayıtmır.
-
Bir maşına bir neçə sifariş
Yükləmə sırası özü qurulur: sonuncu boşaldılacaq yük birinci yüklənir.
-
Marşrut kitabxanası
«Bakı → Hamburq: 4 700 km, 6 ölkə, 4 sərhəd». Həftəsonu qadağaları, qış keçidləri, alternativ yollar; məsafə faktiki reyslərdən dəqiqləşir.
-
Subpodratçı daşıyıcılar
Öz avtoparkınız çatmayanda sifarişi daşıyıcıya verin. Sığortasız daşıyıcı seçilmir, fakturası reysə görə yoxlanır, hər birinin reytinqi hesablanır.
-
Növbə və məzuniyyət
Məzuniyyətdə olanlar və sürücülük vaxtı bitənlər paneldə görünür. Yorğun sürücü uzun reysə düşmür.
KM 510 Sürücü tətbiqi
Sürücünün cibində bütün ofis
Tətbiq mağazası yoxdur, quraşdırma yoxdur. Dispetçer QR kod göstərir, sürücü tətbiqi öz telefonunda açır. Sərhəddə, dağ yolunda, gömrük terminalının içində — internet olmasa da işləyir.
Salam, Elvin 10-AB-123 · tent növbədə
RQ-000418 · cari reys
Bakı → Tbilisi
- 1 Tapşırığı qəbul etdim
- 2 Yükləməyə çatdım
- 3 Yükləmə bitdi
- 4 Boşaltmaya çatdım
- 5 Boşaltma bitdi · imza
- Beş düymə
- Hər basış vaxt və mövqe ilə yazılır. Heç kim «haradasan?» deyə zəng etmir.
- İmza və foto
- Alıcı ekranda barmaqla imzalayır, zədə fotosu sənədə bağlanır və zəif internetdə də yüklənir.
- Xərclər
- Yanacaq, yol haqqı, dayanacaq: məbləğ və çekin fotosu. Mühasib təsdiqləyir və ya səbəblə qaytarır.
- Sərhəd
- «Sərhəddəyəm» və «keçdim» düymələri, möhür fotosu. Gözləmə saatı özü hesablanır.
- Sənədlərim
- Vəsiqə, tibbi arayış, viza, ADR sertifikatı və bitmə tarixləri — svetofor rəngi ilə.
- Maaşım
- Reyslər, ezamiyyə, bonus və tutulmalar sətir-sətir. Ay sonu mübahisəsi azalır.
- Hadisə
- Qəza, nasazlıq, xəstəlik: bir düymə ilə foto və mövqe dispetçerə çatır.
- Rəhbərlər də mobildə
- Direktor və dispetçerlər ödənişləri təsdiqləyir, xəritəyə baxır və xəbərdarlıqlara Android və ya iPhone-dan cavab verir.
KM 640 Yol və GPS
Maşın susur, xəritə danışır
Wialon və digər GPS cihazlarından gələn məlumat reys, müqavilə və sürücü ilə birləşir. Xəritədəki nöqtə məna daşıyır: maşın harada gözləyir, nə qədər və kimin hesabına.
atlas bip · xəritə
Gözləmə 19 s 12 dəq · pulsuz 24 saatdan
Müştəri zonası · «Demo Tekstil»
- Hərəkətdə
- Dayanıb
- Gecikir
- Siqnal yoxdur
- Canlı status
- Hərəkətdə, dayanıb, gecikir, siqnal yoxdur — hər maşının yanında sürücüsü və aktiv reysi.
- Müştəri zonaları
- Yükləmə və boşaltma yerləri xəritədə çəkilir. Maşın girəndə gözləmə sayğacı işə düşür: pulsuz vaxtın 80%-də sarı, 100%-də qırmızı.
- Dayanacaqların təsnifatı
- Hər dayanacaq avtomatik işarələnir — müştəri gözləməsi, sərhəd, istirahət və ya əməliyyat — gözləmə haqqı müqavilədən hesablanır.
- Çatma vaxtı
- Yol, sürət və mərhələlərdən hesablanır. Gecikmə həddi keçəndə dispetçer xəbər tutur.
- Yanacaq
- Maşın dayanıb, doldurma yoxdur, bak isə kəskin boşalıb — yer xəritədə işarələnir və yanacaq kartı ilə tutuşdurulur.
- Sürüş tərzi
- Sürət həddinin aşılması, sərt əyləc və mühərrikin boş işləməsi sürücünün reytinqinə təsir edir.
- İzləmə linki
- Müştəri link alır və yükünü sizə zəng etmədən izləyir.
KM 770 Sərhəd və sənədlər
Kağız yox, sübut
Beynəlxalq reysin sənəd paketi sistemin içində yaranır, yoxlanır və bağlanır. Ölkədaxili reyslərdə elektron yük sənədi və e-qaimə eyni məntiqlə işləyir: bir dəfə yazılır, hər yerə çatır.
CMR
Beynəlxalq yük qaiməsi · CMR-AZ-2026-000877
RQ-000418Bakı → Trabzon
- 1 · Göndərən «Demo Tekstil» MMC, Bakı
- 2 · Alıcı Demo Tekstil A.Ş., Trabzon
- 3 · Boşaltma yeri Trabzon, Arsin OSB
- 4 · Yükləmə yeri və tarixi Bakı, 14.09.2026
- 6 · Nişanlar DT-33
- 7 · Yer sayı 33 palet
- 9 · Yükün adı Tekstil
- 11 · Brutto 18 000 kq
- 16 · Daşıyıcı Maşın 10-AB-123 · E. Məmmədov
- 13 · Göndərənin göstərişi Nəmdən qorumalı
- 18 · Daşıyıcının qeyd-şərti 2 paletin qablaşdırması cırıqdır · foto 3
- 24 · Alıcının imzası telefonda imzalanıb 16.09 16:42
sistem özü doldurur əməkdaş daxil edir
- TIR karneti
- Hansı karnet kimdədir, hansı reysdədir, voletləri cüt bağlanıbmı. Tək qalan volet zəmanət tələbi bir il sonra gələndə yox, dərhal qırmızı yanır.
TIR karneti TIR 331203
- 1 · giriş
- 2 · çıxış
- 1 · giriş
- 2 · çıxış
- 1 · giriş
- 2 · yoxdur
- Təhlükəli yük
- UN nömrəsi seçilir, sinif, tunel kodu və nişanlar özü gəlir. ADR təsdiqi olmayan sürücü və maşın bu yükə seçilmir.
- Qeyd-şərt
- Alıcı və ya sürücü zədə yazırsa, foto ilə təsbit olunur və heç vaxt silinmir.
-
e-taxes vasitəsilə e-qaimə
İmzalanmış aktdan yaranır, ASAN İmza ilə imzalanır və e-taxes-ə göndərilir. e-taxes-in cavabı saxlanılır, statuslar hər gecə tutuşdurulur.
-
AYNA elektron yük sənədi
Ölkədaxili reysin elektron yük sənədi eyni reys məlumatından AYNA-ya gedir — təkrar yazmadan.
-
Gömrük və tranzit
Tranzit bəyannaməsi, invoys, qablaşdırma vərəqi və mənşə sertifikatı reysin dosyesindədir; sərhəd keçidləri və gömrük ödənişləri yanında izlənir.
-
Pretenziyalar və müddətlər
Bildiriş və pretenziya müddətləri geri sayılır. Sübut siyahısı özü hazırlanır, məsuliyyət həddi hesablanır.
-
İcazə blankları və hadisələr
Ölkələr üzrə blanklar: ayrılıb, işlədilib, qalıb. Qəza, zədə və gömrük saxlaması jurnala düşür, təkrar problem yaradan marşrutlar görünür.
-
İstənilən sənəd saniyələr içində
Nömrəni yazırsınız, bütün zəncir açılır: müqavilə, sifariş, reys, CMR, akt, qaimə, ödəniş. Dövlət portalı işləmədikdə göndərişlər növbəyə düşür və sonra avtomatik göndərilir.
KM 880 Avtopark və anbar
Hər maşın, hər təkər, hər palet
Avtopark, texniki xidmət, yanacaq, təkərlər, cərimələr, əmlak və anbar bir yerdədir. Təmirdəki maşın planlaşdırmaya düşmür. Radar cəriməsi gələndə sistem o saatda sükan arxasında kimin olduğunu bilir.
Avtopark lövhəsi
- 10-AB-123 Volvo FH · tent · yolda, Tbilisi istiqaməti Texniki xidmətə 2 400 km
- 90-KT-301 MAN TGX · soyuducu · boş, Sumqayıt Sığorta 3 gün sonra bitir
- 77-JR-118 DAF XF · tent · təmirdə Planlaşdırmadan çıxarılıb · 4 gün sıradan kənar
- 99-TL-208 Scania R · tent · yüklənir, Ələt Sənədlər tam · yanacaq kartı bağlıdır
Anbar A · doluluq 78%
- Adi zona
- Soyuducu +2 °C
- Təhlükəli yük
- Boş
Yük qəbul olunur, zədə fotosu çəkilir, etiket çıxır. Sistem uyğun yeri təklif edir — soyuducu yük adi zonaya, təhlükəli yük uyğunsuz yükün yanına düşmür — saxlama haqqı isə gün və palet üzrə özü yığılır.
-
Texniki xidmət
Yürüşə və ya tarixə görə planlaşdırılır. Təmirdəki maşın planlaşdırmadan çıxır; ehtiyat hissələr, zəmanət və sıradan kənar günlər izlənir.
-
Yanacaq
Kart, norma və fakt. Yanacaq şirkətinin fakturasının hər sətri real doldurma ilə tutuşdurulur.
-
Təkərlər
Hər təkər seriya nömrəsi və ox mövqeyi ilə: yürüş, protektor yoxlaması, yerdəyişmə və kilometr başına xərc.
-
Cərimələr
Tarixə və maşına görə sürücüyə və məsul menecerə bağlanır. Sürücü telefondan etiraz edir; tutulma maaş vərəqəsində ayrıca sətirdə görünür.
-
Sənəd müddətləri
Texniki pasport, sığorta, Yaşıl Kart, texniki baxış, taxoqraf kalibrlənməsi — bitməyə 90, 60 və 30 gün qalanda xəbərdarlıq.
-
Anbar (WMS)
Qəbul, yerləşdirmə, skanerlə komplektləşdirmə, kross-dokinq, inventarizasiya və gömrük anbarı müddətləri.
-
Hər maşının real xərci
Yanacaq, təmir, təkər, sığorta və lizinq — kilometr başına. Hansı maşının satılmalı olduğu rəqəmlə görünür.
KM 990 Pul
Pul yolda ilişmir
Reysdən gələn rəqəm ikinci dəfə yazılmır. Akt, e-qaimə, borc, bank, xərc və maaş bir zəncirdir. Mühasib təkrar yazmır — yoxlayır və təsdiqləyir.
- Reys bağlandı Mərhələlər, sənədlər, xərclər tamdır
- Akt Gözləmə və sərhəd sətirləri daxildir
- E-qaimə Aktdan yarandı, e-taxes-ə getdi
- Debitor borcu Müddət sayılır, gecikəndə xəbərdarlıq
- Bank Ödəniş öz qaiməsini tapdı
- Mənfəət Bu reys: +612 ₼, marja 18%
Təchizatçı fakturası · təsdiq zənciri
- 1 Yaradıldı
- 2 Təchizat müdiri
- 3 Qəbul yoxlandı
- 4 Mühasib
- 5 Maliyyə müdiri
- 6 Direktor
- 7 Ödənildi
Eyni faktura iki dəfə ödənmir. «Hesabımız dəyişib» deyən təchizatçının yeni rekviziti ayrıca yoxlanır — fırıldağın ən geniş yayılmış yolu budur.
Ödəniş təqvimi · 14 gün
Mənfi günlər qırmızıdır: pul çatışmazlığı yaranmamış görünür.
Debitor borcları · gecikmə günləri üzrə
- 0–30 gün 162 400 ₼
- 31–60 78 950 ₼
- 61–90 41 200 ₼
- 90+ 30 800 ₼
Zərərlə bağlanan reyslər · bu ay
- RQ-000377 · Bakı → Lənkəran · boş qayıdış −140 ₼
- RQ-000391 · Gəncə → Poti · sərhəd 31 saat, aktda sətir yoxdur −96 ₼
-
Akt özü yığılır
Müştəriyə görə detallı və ya qısa forma; ayın bütün reysləri bir aktda. İmzalanmış akt dəyişmir, səhv düzəliş aktı ilə düzəldilir.
-
E-qaimə bir düymə ilə
Aktdan yaranır, dövlətin cavabı saxlanılır. Qaimə vergi sisteminə çatmayıbsa, ertəsi səhər bilirsiniz.
-
Bank tutuşdurması
Çıxarış yüklənir, ödəniş qaiməyə özü bağlanır. Mühasib birini əl ilə bağlasa, sistem göndərəni yadda saxlayır.
-
Daşıyıcı fakturasının yoxlanması
Fakturadakı «6 saat gözləmə» GPS və mərhələ qeydləri ilə tutuşdurulur. Eyni reys iki dəfə fakturalananda tutulur.
-
Sürücü əmək haqqı
Ölkə normalarına görə ezamiyyə, reys əsaslı maaş, bonus və cərimə tutulmaları sətir-sətir.
-
Çox şirkət, çox valyuta
Bir neçə hüquqi şəxs və filial bir sistemdə; AZN, USD, EUR və digər valyutalar, kurs fərqləri və vahid konsolidə mənzərə.
-
1C ilə birgə işləyir
Mühasibat 1C-də qalırsa, hazır nəticə ora ötürülür — eyni məlumat iki dəfə yazılmır.
KM 1100 Dashboard-lar və hesabatlar
Hər kəs öz sualının cavabını görür
Bir sistem — hər rol üçün ayrıca ekran. Hər kəs öz işini görür, başqasının məlumatında azmır. Marja və maya dəyəri isə yalnız icazəsi olanlara açılır.
-
Dispetçer
Hansı maşın boşdur?
Boş maşınlar və uyğun sürücülər bir siyahıda; sənədlərinin müddəti bitənlər avtomatik kənarda qalır.
-
Sürücü
İndi nə etməliyəm?
Növbəti addım telefonda böyük düymədir. İnternetsiz də.
-
Satış meneceri
Hansı müştəriyə zəng lazımdır?
Öz portfelində açıq təkliflər, bitən müqavilələr və kredit riski.
-
Mühasib
Aktı yaza bilərəmmi?
Reys tamamlananda «akt hazırdır» işarəsi yanır, sətirlər özü yığılır.
-
Əməliyyat müdiri
Harada problem var?
Gecikən reyslər, açıq hadisələr, ilişmiş sənədlər bir ekranda.
-
Direktor
Bu ay nə qazandıq?
Reys, marşrut, müştəri və maşın üzrə mənfəət, üstəlik bugünkü debitor borcları.
Dashboard qərar alətidir, şəkil deyil
| Bəzək | Qərar |
|---|---|
| | «3 reys gecikir, bax» |
| | «5 maşın boşdur, 2 sifariş gözləyir» |
| | «Marja 11%, hədd 15%» |
| | «2 müştəri kredit limitini keçib» |
Hazır hesabatlar
Hesabatı özünüz də qurursunuz: sahəni, süzgəci, qruplaşdırmanı seçir, Excel və ya PDF-ə çıxarırsınız. Debitor borcları hesabatı isə hər bazar ertəsi səhər e-poçtunuza özü gəlir.
KM 1240 İnteqrasiyalar
Artıq işlətdiyiniz sistemlərə qoşulur
Dövlət sistemləri, banklar, GPS, mühasibat və messencerlər ATLAS BIP Logistics ERP-yə qoşulur. Artıq işlətdiyiniz sistemlər yerində qalır — heç nə atılmır.
- e-taxes e-qaimə
- AYNA elektron yük sənədi
- ASAN İmza elektron imza
- Banklar çıxarışlar
- Wialon GPS mövqe, yanacaq, çəki
- 1C mühasibat
- SMS xəbərdarlıq
- E-poçt sənəd, hesabat
- WhatsApp sifariş, bildiriş
- Telegram bot, xəbərdarlıq
- Excel idxal, ixrac
- Xəritə marşrut, məsafə
- Müştəri sistemləri sifariş, status
- Açıq API REST, webhook
-
Açıq API
Sifariş, reys, sənəd və statuslar sənədləşdirilmiş REST API və webhook-lar ilə əlçatandır — sizin və müştərilərinizin sistemləri əl işi olmadan məlumat mübadiləsi aparır.
-
Müştəri sistemləri
İri müştərinin sistemi sifarişi birbaşa göndərir, statusu və sənədi avtomatik geri alır.
-
Hər mübadilə qeyddədir
Dövlət sisteminə, banka və GPS provayderinə gedən hər sorğu cavabı ilə saxlanılır: nəyin və nə vaxt göndərildiyinin sübutu.
KM 1350 Təhlükəsizlik və nəzarət
Məlumatınız sizindir
Sistem bulud mühitində və ya sizin serverinizdə işləyir. Kimin nəyi gördüyü və dəyişdiyi həmişə yazılır, bütün məlumatınız isə istənilən an tam şəkildə sizə təhvil verilir.
-
Rollar
Rol əsaslı giriş: satış meneceri yalnız öz müştərisini, sürücü yalnız öz reysini görür. «Bu işçi niyə görmür» sualının izahı bir ekrandadır.
-
Giriş
Rəhbərlik və mühasibat üçün iki faktorlu giriş. Şübhəli cihaz bir kliklə bağlanır, işdən çıxan işçinin girişi dərhal bağlanır.
-
Audit izi
Köhnə dəyər, yeni dəyər, kim, nə vaxt. Qeydlər heş-zəncirlə bir-birinə bağlıdır — sonradan dəyişdirilsə, dərhal görünür.
-
Dəyişməz sənədlər
İmzalanmış akt, qaimə və müqavilə dəyişmir. Düzəliş yeni sənəddir, köhnəsi yerində qalır.
-
Nömrələmə
Sifariş, müqavilə, akt, qaimə və CMR üçün boşluqsuz və təkrarsız nömrələr, hər gecə yoxlanır.
-
Ehtiyat nüsxə
Hər gecə şifrələnmiş ehtiyat nüsxə və bərpa bələdçisi.
-
Bulud və ya öz serveriniz
İdarə olunan bulud və ya sizin serveriniz — sistem eynidir. Tam məlumat ixracı həmişə açıqdır.
-
Yerli qaydalar
Azərbaycan dilində interfeys və sənədlər, ƏDV, e-qaimə, bayram təqvimi. Lazım olduqda ingilis və rus dillərində.
KM 1460 Süni intellekt qatı
Sistem düşünməyə başlayanda
Məlumat bir yerə yığılanda ondan adi dildə soruşur, proqnoz alır və təkrar işi köməkçiyə tapşırırsınız — şirkətinizin iş qaydasına uyğunlaşdırılmış şəkildə.
Keçən ay Gürcüstan istiqamətində ən az qazandıran 3 müştəri kimdir?
Avqust, Gürcüstan istiqaməti, marja üzrə:
| «Demo Logistika» · 4 reys | 3,1% |
| «Demo Qida» · 6 reys | 5,8% |
| «Demo Metal» · 2 reys | 7,2% |
Səbəb: 3 reysdə sərhəd gözləməsi 30 saatı keçib, amma aktda gözləmə sətri yoxdur. Düzəliş aktlarını hazırlayımmı?
Hazırla.
3 düzəliş aktı qaralama kimi təsdiq qutunuza düşdü
- Soruşun
- «Bu il ən çox təmir xərci hansı maşında olub?» Cavab cədvəllə, mənbə reysləri ilə gəlir.
- Tapşırın
- Düzəliş aktı, borc xatırlatması, həftəlik hesabat. Son qərar isə həmişə insanda qalır.
- Qabaqlayın
- Nasazlıq ehtimalı, pul çatışmazlığı, bitəcək müqavilə — baş verməmiş görünür.
-
WhatsApp-dan sifariş
Müştərinin mesajı sifariş qaralamasına çevrilir, menecer yalnız təsdiqləyir.
-
Sənədlərin OCR ilə oxunması
Fotodan məbləğ, VÖEN, tarix və sətirlər oxunur, əməkdaş yoxlayır.
-
Marşrutun optimallaşdırılması
Vaxt pəncərələri və tıxac nəzərə alınmaqla ən yaxşı çoxnöqtəli ardıcıllıq.
-
Qiymət tövsiyəsi
Keçmiş reyslər, mövsüm və boş qayıdış riskinə görə qiymət aralığı.
-
Proqnozlaşdırılan texniki xidmət
Yanacaq sərfi və yürüş trendləri maşını xarab olmamış təmirə çağırır.
-
Boş qayıdışın azaldılması
Yük boşalan kimi yaxınlıqdakı geri yüklər təklif olunur.
-
Anomaliya xəbərdarlığı
Qeyri-adi yanacaq sərfi, təkrar fakturalar və şübhəli xərclər yoxlamaya düşür.
-
Pul axını proqnozu
Qarşıdakı həftələr üzrə daxilolmalar və ödənişlər proqnozlaşdırılır, çatışmazlıq əvvəlcədən görünür.
KM 1580 Sistemin içində
Altı qat, bir sistem
Bütün modullar eyni məlumatla işləyir: bir yerdəki dəyişiklik hər yerə çatır. Lazım olan qatlardan başlayın, böyüdükcə qalanını əlavə edin.
70 modul
-
- Rol və icazələr
- Giriş və təhlükəsizlik
- Sistem parametrləri
- Sənəd dövriyyəsi
- Fayl saxlanması
- Boşluqsuz nömrələmə
- Planlı fon işləri
- Monitorinq və jurnal
- Bildirişlər
- Çap formaları və PDF
- İnteqrasiya mərkəzi
- Açıq API
- Çoxdilli interfeys
- Şirkət və filiallar
- Çoxvalyutalı uçot
-
- Müştərilər
- Təchizatçılar
- Subpodratçı daşıyıcılar
- İşçilər
- Sürücülər
- Maşın və qoşqular
- Marşrutlar
- Ünvanlar və gömrük məntəqələri
- Yük növləri və ADR sinifləri
- Tariflər və qiymət cədvəli
- Anbarlar və zonalar
-
- Potensial müştərilər və satış hunisi
- Sorğu və qiymət təklifi
- Müqavilələr
- Müqavilə şablonları
- Müştəri portfeli
- Müştəri kabineti və izləmə linki
-
- Sifariş qəbulu
- Maşın və sürücü təyinatı
- Reyslərin idarə edilməsi
- Sürücü tapşırığı
- Sürücü mobil tətbiqi
- GPS izləmə və geozonalar
- Plan-fakt müqayisəsi
- Gömrük və beynəlxalq sənədlər
- Tranzit və sərhəd keçidləri
- Subpodrat
- Anbar əməliyyatları (WMS)
- Hadisə qeydiyyatı
- Pretenziyalar
- Əmlak təhkimi
-
- Təhvil aktları
- e-qaimə
- Debitor borcları
- Ödəniş təsdiqi
- Daşıyıcı fakturasının yoxlanması
- Kassa və bank
- Sürücü əmək haqqı
- Ezamiyyə
- Cərimələr
- Yanacaq nəzarəti
- Texniki xidmət və təmir
- Təkərlərin idarə edilməsi
- Gəlirlilik analizi
-
- Təsdiq qutusu
- Sənəd axtarışı
- Dashboard-lar
- Hesabatlar və konstruktor
- Dövlət sistemləri: e-taxes, AYNA, gömrük
- Elektron imza: ASAN İmza, SİMA
- Məlumat idxalı və ixracı
- Rəhbər üçün mobil tətbiq
- AI köməkçi
- İşə başlama və təlim
- İdarəetmə konsolu
KM 1700 Necə qururuq
Sizin prosesiniz, sizin sisteminiz
Hazır qutu satmırıq. Əvvəl işinizin necə getdiyini öyrənirik, sonra sistemi ona uyğun qururuq. Lazım olan girir, lazım olmayan girmir.
-
Araşdırma
Bir iş gününüzü izləyirik: sifariş haradan gəlir, kim nə yazır, pul harada ilişir.
-
Qaydaların xəritəsi
Hər addım yazılı qaydaya çevrilir: kim açır, kim təsdiqləyir, hansı sənəd çıxır. Siz təsdiqləyirsiniz.
-
Konfiqurasiya
Sizin rollarınız, sənəd formalarınız, tarifləriniz və təsdiq zəncirləriniz — sizin adlarınızla.
-
Məlumat və inteqrasiyalar
Müştəri, maşın, sürücü və marşrut siyahıları Excel və ya 1C-dən yüklənir; GPS, bank və e-taxes qoşulur.
-
Real məlumatla sınaq
Komanda sistemə keçməzdən əvvəl bir real reys zəngdən ödənişə qədər sistemdə keçir.
-
İstifadəyə veriliş və dəstək
İşçilər öyrədilir, sistem işə düşür, biz yanınızda qalırıq: yeniləmələr, dövlət formatlarının dəyişməsi, yeni hesabatlar.
Mərhələlərlə keçin: əvvəl reyslər və sənədlər, sonra maliyyə. Hər mərhələ real işdə özünü doğruldandan sonra işə düşür.
KM 1830 Suallar
Soruşmazdan əvvəl
1C-ni dəyişməliyikmi?
Xeyr. Mühasibat uçotu 1C-də qalır. ATLAS BIP Logistics ERP hazır aktları, qaimələri və ödənişləri ora ötürür, heç nə iki dəfə yazılmır.
Sistem öz serverimizdə işləyə bilərmi?
Bəli. Sistem bulud mühitində və ya sizin serverinizdə işləyir. Hər iki halda məlumat sizindir və tam ixrac həmişə açıqdır.
GPS izləyicilərimiz Wialon deyil. GPS yenə işləyəcəkmi?
Bəli. Wialon birbaşa qoşulur, digər GPS və telematika provayderləri öz API-ləri ilə qoşulur; mövqe, yanacaq və sensor məlumatı reysə düşür.
Sərhəddə sürücünün interneti olmasa nə olur?
Sürücü tətbiqi internetsiz işləyir. Status, foto, imza və xərclər telefonda saxlanılır və siqnal qayıdanda özü göndərilir.
Beynəlxalq reyslər və subpodratçılar əhatə olunurmu?
Bəli. CMR, TIR, ADR, icazə blankları, gömrük və tranzit sənədləri, subpodratçı daşıyıcılar və çoxvalyutalı hesablaşmalar məhsulun bir hissəsidir.
Hər şeyi birdən işə salmaq lazımdırmı?
Xeyr. Reyslər və sənədlərlə başlamağı, maliyyəni, anbarı və ya süni intellekti isə sonra əlavə etməyi tövsiyə edirik. Bütün modullar eyni məlumatla işlədiyi üçün hər yeni mərhələ sadəcə qoşulur.
KM 1950 Yük çatdırıldı
Gəlin reyslərinizdən birini sistemdə birlikdə keçirək
Real sifarişlərinizdən birini gətirin — onu ilk zəngdən ödənişə qədər sistemdə birlikdə keçirək. Nəyin dəyişdiyini öz rəqəmlərinizdə görəcəksiniz.
Ekranlardakı adlar və rəqəmlər nümunə kimi verilib. Mənbələr: CAREC CPMM 2023, IRU, CMR Konvensiyası, Azərbaycan Respublikasının Vergi Məcəlləsi.
Əvvələ qayıt